Bosaaso, [MOL] 27 September 2003- Madaxweynaha Maamul Goboleedka Puntland Cabdulaahi Yuusuf ayaa maanta duhurkii ka soo degay goroonka Konoko ee magaala madaxda Puntland ee Garoowe. Madaxweynaha ayaa waxaa garoonka diyaaradaha Konooko si diiran ugu soo dhaweeyay wafti uu hogaaminayay Madaxweyne ku xigeenka Puntland Maxamed Cabdi Xaashi iyo gudoomiyaha Baarlamaanka.

Madaxweynaha ayaa waftigiisa waxaa ka mid ahaa Gen. Cadde Muuse, wasiirka wasaarada xiriirka Caalamiga Xasan Ahmed Jaamac[daafeedow], wasiirka dhaqan celinta Cabdi CAbdulle Siciid (Jiniboqor), gudoomiye ku xigeenka Baarlamaanka Puntland Xasan Daahir Afqurac iyo Xildhibaan Maxamed Cali Yuusuf (Gaagaab) iyo rag kale oo isugu jiray siyaasiyiin iyo waxgarad reer Puntland ah.

Madaxweynaha oo hogaaminayay waftiga Puntland shirka Mbagaathi uga qayb galayay ayaa la sheegay inuu safar gaaban ku soo gaaray Puntland taas lagu macneeyay in muddadii sharciga 2 bilood ee uu wadanka dibada uga maqnaan karay ka dhamaatay iyo talo aruursi ku saabsan shirka dib u heshiisiinta. Waftiga madaxweynaha ayaa la filayaa inay joogi doonaan mudo ka yar toddobaad Puntland iyagoo dib ugu noqon doona madasha uu ka socdo shirka dib u heshiisiinta markii safarkoodu u dhamaado.

Weriye c/risaaq Sheekhaduun
Mudugonline.com

Bosaaso, [MOL] 27 September 2003- Waxaa caawa ka socdaalay magaalada Boosaaso wafti balaaran oo uu horkaacayo gudoomiyaha gobolka Barii Xaaji Bakiin. Waftiga gudoomiyaha oo ka kooban 60 qof oo isugu jira masuuliyiin ka tirsan maamaulka Puntland, Fanaaniin, suxufiyiin iyo aqoonyahano ayaa waxay kulan la yeelan doonaan Madaxweynaha Puntland oo isla maanta Garoowe ku soo nqoday.

Booqashada gudoomiyaha ayaa lagu micneeyay kala warqaadasho iyo in gudoomiyu la kulmo Madaxweynaha oo intii Sanad ku dhaw ka qeyb galayay shirka dib u heshiisiinta Soomaalida ee ka socda wadanka Kenya.

Weriye c/risaaq Sheekhaduun
Mudugonline.com

Xaaji Bakiin waxa uu sheegay in uu halkii ugu sareeyay uu marayo ololaha lagu qab qabanayo tahriibta iyo sidoo kale dadka tuugta ah.

Waxaa uu sheegay in boolisku gobolka Bari ay qab qabteen dad gaaraya 90 qof oo 50 ka mid ah ay ahaayeen dad doonayay inay naftooda ku biimeeyaan xeebaha dalka Yaman halka 40 kalana ay ahaayeen tuug iyo danbiilayaal kaleeto oo laga soo qab qabtay xaafadaha magaalada Boosaaso.

Booliska gobolka Bari ayuu Xaaji Bakiin sheegay inay baadigoob ugu jiraan dadka u adeega tahriibayaasha ciddii lagu qabtana sharciga la marin doono.

Tahriibta ayaan ayadu ahayn mid maamulka gobolka Bari iyo dawlada Puntland-ba kaliya wax ka qaban karaayaan taasi oo ay ugu wacan tahay dadka doonaya inay tahriibaan oo dhib walba u mara sidii ay mar xeebaha Bari uga ambo bixi lahaayeen.

Xeebata mareero oo maalmahaan saxaafaddu afka ku haysay inay tahay meesha ay dadka tahriibaa ka baxaan ayaa warar lagu kalsoon yahay ay sheegayaa inay dadkaasi si dhuumaalaysi ay oo kali kali ah ay uga dhoofaan goobo kala duwan oo ka mid ah badda cas.

AllPuntland

Hogaamiyaasha ayaa sheegay inaysan waxba ka qabin dadaal kasta oo lagu soo celinayo hogaamiyaasha shirka ka maqan balse aan marna la hakin shirka oo hadda gaba gaba ah.

hogaamiyaasha ayaa u sheegay shir gudoonka in shirkaani yahay shir Somali loo qabto kii ugu dheeraa inta uu socday iyo tirada hogaamiyaasha ka soo qayb galay inuu yahay shirkii ugu badnaa. waxay sheegeen in Somaali oo dhan ku dhan tahay shirkaan ayna ku dhan yihiin TNG, SRRC, G8, Puntland and madaxda bulshada rayidka ah.

Shirka Somalida oo hadda ka socday wadanka Kenya muddo 11 bilood ah ayaa waxaa qarashkiisa bixinayay wadamada Yurub iyo Amerika. Wadanka Maraykan ayaa warsaxaafadeed ay soo saareen laba cisho ka hor waxay ku sheegeen sida ay ugu faraxsan yihiin guusha uu gaaray shirku markii lagu heshiiyay dastuurkii qaranka iyo guud ahaan illaa hadda horumarka ay sameeyeen hogaamiyaasha Somalida ee shirka jooga. dhanka Kale wadanka Jabuuti ayaa maanta sheegtay inaysan ku qanacsanyn sida shirku u socdo iyagoo arintaas u gudbiyay wadamada Igad ee maamulaya habsami u socodka shirka.

Mudugonline.com