Jenaraal Morgan oo la filayo inuu yimaado magaalada Boosaaso. [Mudugonline, 4 Jun 2002]
Wararka naga soo gaaraya deegaanka Baydhabo ayaa sheegaya in la filayo maalmaha soo socda Jenaraal Maxamedc Saciid Xirsi Moorgan inuu socdaal howled ku yimaado magaalada Boosaaso. Lama oga sababata socdaalka Moorgan uu ku saabsan yahay, hase ahatee Afayeen u hadlay ayaa sheegay in dhaq-dhaqaaq ku wajahan sidii mar kale loo soo celin lahaa magaalada Kismaayo oo haatan
ay haystaan Isbahaysiga Doocxadda Juba.Jenaraal Moorgan ayaa Bilihii ugu danbeeyey qorsheynayey sidii uu mar kale duulaan ugu qaadi lahaa deegaanka Kismaayo isagoo kal hore bishii Agosto ay qabsadeen Ciidamadiisa, hase ahatee 24 saac kadib dib looga saaray. Socdaalkan uu ku imanayo Je. Mooragan magaalada Boosaaso ayaa ah sida warar madaxbanaan ay tilmaamayaan mid la xiriira Abaabul dhinacyo badan oo ku
wajahan magaalada Kismaayo.
Qaar ka mid ah Shaqaalaha Idaacada SBC oo wel wel ka muujiyey Xirnaanshaha Idaacada. [Mudugonline, 4 Jun 2002]
Waxaa albaabada loo laabay 25-kii bisha May Idaacda FM-ta SBC oo ka hadli jirtay magaalooyinka Boosaaso, Qardho iyo Garoowe, kadib markii maamulka C/Laahi Yuusuf ay ku Eedeyeen in ay dhan ka aheyd Sharciga Puntland iyo weliba inay la shaqeyso Maamulka Carta Hadab, waxaa xalay Xarunta Yool noogu yimi Muxidiin Hiirad Kaatun oo ka mid ahaa shaqaalaha Idaacada SBC, wuxuuna ka hadlay xiritaanka Raadiyaha uu ka shaqeeyo, isagoo ka hadlayana waxa uu yiri “Waxaan aad uga wel welsanahay xirnaanshaha Idaacada SBC, iyadoo maalintii 13-aad ay marayso xirnaanshaheedu waana arin xadgudub ku ah xoriyada Saxaafada Madaxbanaan” wuxuu kaloo ka hadlay waxyaabaha lagu Edeynayo Idaacada taas isagoo ka hadlayana wuxuu mar kale yiri “Ma jiraan waxa nalgu Edeynayo, waxaan aaminsanahay inaan ka maadxbanaaneyn dhinacyada
isku hayey Maamulka Puntland iyo weliba Maamulka Carta oo nalgu Eedeeyey inaanu Taageeri jirnay”Haddaba, wuxuu Mr. Kaatun ka codsaday Maamulka C/Laahi Yuusuf in ay tixgeliyaan oo soo dhaweeyaan furitaanka iyo dhageysiga Idaacada SBC oo uu sheegay inuu filayo wax badan oo faa’iido ah inay u leedahay Maamulka iyo Shacabka Puntland.Safiirka Liibiya oo shalay u gudbiyey C/Laahi Yuusuf Dhanbaal Martiqaad uu uga sido Madaxweyne Qadaafi. [Mudugonline, 4 Jun 2002]
Waxaa Garoonka Diyaaradaha ee magaalada Boosaaso shalay subax ka soo degay Safiirka Dalka Liibiya u fadhiya Soomaaliya Ciise Al Canshuuri, Safiirka oo ay Garoonka ku soo dhaweyeen Gudoomiyaha Gobolka Bari Ibraahin Cartan( Xaaji Bakiin iyo Duqa Magaalada Maxamed Yuusuf Waceys (Dhedo) waxaa loo gudbiyey Xarunta Madaxtooyada ee uu degan yahay Col. C/Laahi Yuusuf Axemd, waxayna halkaas ku yehseen Safiirka iyo C/Laahi Yuusuf kulan Saacado qaatay. Shir Jaraa’id oo uu qabtay Safiirka Liibiya ayuu ku sheegay inuu socdaalkiisu ku saleysan yahay Arrimaha Siyaasadeed ee Soomaaliya uuna uga sido Madaxweynaha Liibiya C/Laahi Yuusuf Dhanbaal Martiqaad ah oo uu u fidiyey, wuxuuna sheegay inuu ka aqbalay C/Laahi Yuusuf Martiqaadkaas uuna tegi doono Dalka Liibiya.Safiirka Liibiya oo la weydiiyey su’aal aheyd Hogaamiye Kooxeedyada Soomaaliya oo ku Eedeeya inay Taageerto Maamulka C/qaasim waxa uu kaga jawaabay “Ugu horayntii anigu ma joogo Saldhig Booliis side aad ii weydiinaysaan Su’aalaha tooska ah, anagu waxaan mataleynaa Dowlad, weliba Dowlad nidaamkeedu dhow yahay, waxaad I weydiisaa midnimada Afrika” Wuxuu kaloo sheegay Ciise Al Canshuuri in Dowlada Liibiya ay ka shaqeyso Jamhuuriyad Soomaaliyeed oo si nabad ah ugu soo noqota Caalamka. Safiirka Liibiya oo horay u yimi magaalada Boosaaso xiligii Jaamac Cali Jaamac ka talinayey ayaa waxaa la weydiiyey mar haddii haatan uu C/Laahi Yuusuf ugu yimi magaalada Boosaaso ciddi ay u aqoonsan yihiin Madaxweynaha Puntland isagoo taas ka jawaabayana waxa uu yiri “ Anagu waxaan nahay Jamhuuriyad Liibiya waxaan ayidaynaa, wixii maslaxad ugu jirto Soomaaliya, waxaan dadaal xoog weyn ugu jirnaa sidii aanu uga dhaadhicin laheyn qeybaha Bulshada Soomaaliya dadaalkan aanu wadno waxaanuna faahimnay in aanu ka shaqeyno sidii Soomaaliya u noqon laheyd Dowlad Mideysan” Safiirka Liibiya oo Gelinkii hore joogay magaalada Booasso ayaa isla galabnimadii dib uga dhoofay Garoonka Diyaaradaha ee Boosaaso, isagoo ku sii jeeda magaalada Muqdisho.
Jaamac Cali Jaamac Xagee ku sugan yahay Socdaalkiisii Liibiya Kadib? [Mudugonline, 4 Jun 2002]
Wararka naga soo gaaraya magaalada Qaahira ee Dalka Masar ayaa sheegaya in iminka uu ku sugan yahay Jaamac Cali Jaamac halkaas.
Safarka Masar ayaan la ogeyn ilaa iyo hadda waxa uu klu saabsan yahay , hase ahatee warar madaxnbanaan ayaa sheegaya in kadib markii uu u soo dhamaaday socdaal uu ku joogay Dalka Liibiya uu gaaray halkaas. Jaamac Cali Jaamac ayaa doonaya Taageero Dibadeed ka gadaal markii maamulka deegaanka Puntland uu la wareegay Col. C/Laahi yusuf Axmed oo ay isku haysteen Madaxtinimada Puntland.Safarka Jaamac Cali Jaamac ee Dalalka Liibiya iyo Masar ayey Taageerayaashiisu ku doodayaan inuu uga goleeyahay sidii uu uga heli lahaa taageero dhaqaale iyo mid Milateri oo u dhiganta mida Itoobiya ugu deeqday Ninka ay is hayaan ee C/Laahi Yuusuf.
Col C/Laahi Yuusuf oo mar kale u sii gur-guuranaya wadadii Sagaalka Bilood. [Mudugonline, 4 Jun 2002]
Waxaa durba soo shaac baxaya talaabooyinka is khilaafsan ee uu ku dhaqaaqayo maamulka Col C/Laahi Yuusuf magaalada Boosaaso. Qaar ka mid ah Sarakiisha Ciidamada C/Laahi ayaa aaminsan inay halgan dheer u soo galeen hanashada magaalada Boosaaso, sidaas daraadeedna ay munaasib u tahay siday doonaan inay wax yeelaan. Shacabka Boosaaso oo ah kuwo doonaya hanaan ku dhisan deganaansho iyo kala danbeyn ayaa soo dhaweyntoodii u muuqataa mid ay ka danbeyso in laga shaqeynayo isku dhac iyo qalalaase buuq dhaliya oo ay abuurayaan qaar badan oo la shaqeynaya Col C/Laahi Yuusuf.Dareenka dad badan ay qabaan ayaa ah mid u saansaan eg inuu ku gur-guuranayo Col. C/Laahi Yuusuf wadadii Sagaalka Bilood ee ay ku rideen qaar badan oo maamulkiisa horboodayey Waxaa kaloo Reer Barigu indhaha ku hayaan bal sida uu u soo xulo Golihiisa Xukuumada oo Beelo badan oo ka tirsan Gobolka Bari ay u hanqal taagayaan Xubnaha Wasiirada Dhanka kale Waxaa jira in qaar ka mid ah Xildhibaanada Maamulkiisa saqada laga eryey, iyadoo lagu Eedeynayo Danbiyo la xiriira inay ka baaqsadeen howlihii shaqo ee looga baahnaa intii isbedelku socday, hase ahatee waxaa jira in kala sooc lagu sameyey oo qaar si weyn ula shaqeynayey Jaamac Cali Jaamac ay haatan Golaha fadhiyaan.
ha ilaawin wararkii
hore ee Wargeyska Yool
Bile Qabowsade Ahmed, Tifaftiraha Yool Boosaaso, Puntland.
Mudugonline
Contact: webmaster@mudugonline.com
Copyright © Mudug Online 2001