shir si weyn loo soo agaasimay oo lagaga hadlayey sidii Urur mideysan loogu sameyn lahaa Wariyayaasha Qaxootiga ku ah amaba ku soo barakacay dalkani Uganda ayaaa maanta waxa uu si habsami ah uga dhacay Hotelka Weyn ee Habib CLaasic ee magaaladda Kampala ee Caasumadda Dalka Uganda.

Xafladani oo ahayd mid ay isugu yimaadeen wariyayaasha soomaaliyeed ee qaqxootiga ku ah dalka uganda ayaa waxaa ka soo qeybgalay Madax ka socotay Qunsuriyadda Safaaradda Soomaaliya Madax ka socotay Idaacadda Bilaal ee ku Taala Magaalada Kampala iyo weliba Garsoore Dhagey oo ah nin si weyn looga yaqaano dalka soomaaliya iyadoona looga hadley shirkaasi sidii wariyayaasha soomaaliyeed ee ku sugan dalka uganda loogu sameyn lahaa ururka mideysan si ay wax ugu qabtaan hay,adaha samafalka ah iyo ururada kale ee muxaliga ah iyo weliba sidii meel loogu ogaan lahaa wariyayaasha iyaga qaxootiga ku ah dalka uganda ee ka soo qaxay dalka soomaaliya kuwaasi oo ay xaalad nolaleed ku haysato dalka Uganda,

Kulankani oo ahaa mid ay ka soo qeybgaleen wariyayaal ay ka mid yihiin Cilmi Cismaan (Boodhari) C/nuur Kediye, Maxamed Faarax Duurgal, Maxamed Dhaqane Nuur, Mulki Caydiid, Axmed Taajir, Axmed Saadaq, Xuseen Cabdulaahi Xasan, Maxamed Xasan Abiib iyo weliba Qaliil Bashiir Macalin iyo qaar kale oo ka mid ah wariyayaasha qaxootiga ku ah dalka Uganda iyadoona halkaasi lagu doortay Guddi 7 xubnood ah oo soo sameeyey sharciga ururkani ama konostuushinka Dalada wariyayaasha iyo waxyaabaha ay qabanayaan,

Shirkani oo ahaa mid diirada lagu saareyey sidii wariyayaasha soomaaliyeed ee ku sugan dalka Uganda loogu sameyn lahaa dalad ay ku mideysan yihiin kuwaasi oo ka soo barakacay dalka soomaaliya ayaa waxaa laysla lafoguray in ay lagamamaarmaan tahay sidii loo sameyn lahaa Ururka ay ku mideysan yihiin wariyayaasha soomaaliyeed iyadoona ugu danbeyntii laysku afgartay in loo diro gudigaasi si ay u soo sameeyaan sharciga uu ku shaqeynayo iyo qodobada Daladani wariyayaaha ay ku midoobayaan,

Ugu horeyntina waxa nadasha shirkasi ka hadley Xasan Maxamed Faarax oo isaga ka socday Qunsuriyada Saafaradda Soomaliya ay ku leedahay dalka Uganda isagoona amaan u jeediyey Mr Ciise oo isaga ah ninka isku taxluujiyey in wariyayaasha la isugu keeno shir ay islamarkaasna loo sameeyey Dalad ay u wada dhan yihiin Xasan Maxamed Faarax ayaa waxa uu wariyayaasha ugu bishaareeyey in ay tahay mid ahmiyad gaar ah u ley wariyayaasha ku sugan Dalka Uganda in ay sameystan dalad mideynsan isagona xusey in ay iyaga wax weliba oo karaan kooda ah ka safaarad ah ay la garab taagan yihiin,

Waxaa kaloo halkaasi ka hadley Garsoore Dhagey oo isaga ku tilmaamey in ay arintani tahay mid lagu farxo oo uu ku sheegay in aysan wariyayaasha qaxootiga ku ah dalka Uganda aysan haysan Urur ay ku mideysan yihiin isagoona soo jeediyey in ay wariyayaasha ay had iyo jeer isku xirnaadaan,

Ugu danbeyntii waxaa halkaasi ka hadley Mr Ciise oo isaga ka mid ah Masuuliyiin ugu sareysa Idaacada Bilaal oo iyada ku taala Masaajidka weyn ee Qadafi Masquit ee ku yaala Magaalada Kampala ee Dalka Uganda isagoona halkaasi salaan iyo boogadin uga soo jeediyey wariyayaasha soomaaliyeed ee ka soo qeybgalay shirkani isagoona xusey in shirkani uu u yahay mid muhiim u ah wariyayaasha qaxootiga ku ah dalka Uganda waxaana uu tibaaxey in ay wariyayaasha u fiican tahay in ay sameystaan urur mideysan oo ay u dhanyihiin wariyayaasha ku sugan dalkani iyadoona ugu danbeyntii halkaasi loogu xilsaarey guddi ka koban todobo xubnood kuwaasi oo keenaya sharciga ururka.

**Xuseen Cabdulaahi Xasan

E-Mail Xuseen339@hotmail.com

Kampala Uganda