Guddoomiyaha xisbiga KULMIYE islamarkaasna ah musharaxa madaxweynaha ee xisbiga KULMIYE Axmed Maxamed Maxamuud "Siilaanyo wuxuu ku dhashay tuulada Dheryalay oo ka tiran degmada Ballidhiig ee gobolka Togdheer.

Waxbarashadiisii

hoose wuxuu ku dhamaystay magaalada Shiikh. Waxbarashadii dugsiga sarena wuxuu ku qaatay magaalada Boorame.

Markuu waxbarashadiisa dugsiga sare dhamaystay sannaddii 57kii Mr. Siilaanyo wuxuu u kicitimay dalka Ingriiska, halkaasuu ka sii watay waxbarashadiisii sare.

Sannadkii 1958kii-60kiina.

wuxuu magaalada London ee carriga Ingiriiska ku qaatay waxbarashadii diyaar garawga jaamacadda ee advanced level. Sannadkii 1960kii, wuxuu waxbarashadiisii jaacamadeed ka bilaabay Jaamacadda Manchester ee dalka Ingiriiska waxaanu bartay cilmiga dhaqaalaha Sannadku markuu ahaa 1965kii.

wuxuu jaamacadda Manchester ku dhamaystay waxbarashadiisii jaamacadeed waxaanu ka qaatay shahaada sare ee Masterka.

Mr. Siilaanyo markuu dhamaystay waxbarashadiisa jaamacadeed wuxuu Kusoo noqday dalka si uu cilmigiisa uga faa’ideeyo dalkiisa iyo dadkiisaba.

Waxaanu Jamhuuriyadda Dimoqraadiga ee Somaliya kasoo qabtay xilal kala duwan oo ay kamid yihiin kuwan hoose:

SHAQADA IYO WAAYO ARAGNIMADA:

1965kii wuxuu xilal kala duwan kasoo qabtay Wasaaradda Qorshaynta Qaranka.

1969kii-1973kii Mr. Siilaanyo wuxuu ahaa Wasiirka Qorshaynta Qaranka

1973-1978 wuxuu ahaa Wasiirkii Ganacsiga 1973-1980 wuxuu ahaa guddoomiyaha guddida Dhaqaalaha ee Qaranka 1980-1982kii wuxuu mar labaad noqday Wasiirka Ganacsiga.

SNM :

Mr. Siilaanyo oo ahaan jiray guddoomiyihii hore ee SNM 1984-1990 waxaa Lagu tilmaamaa inuu yahay guddoomiyii ugu wakhtiga dheeraa uguna fir fircoonaa ee soo qabta talada ururkii SNM.

Isbadalka uu kusoo kordhinkaro siyasada Somaliland :

Silaanyo ayaa waxa la filaya in uu yahay nin rugcada siyaasi weyn oo cv dheer leh siyasadeed, waxana la og yahay in uu yahay Nin aamin san in aysan somalidu meelna u kala dhaqaaqi karin, aheyna dad kala maarma ayaa hadana waxaad mooda in ay noqon doonto talaabo adag, in uu mowqifkaas wacan oo uu xanbaarsan yahay uu noqdo mid si dhakhsa ah u fula ,iyadoon aan og nahay in Somaliland ay dadkii & dalkiiba gacanta loo galiyey shisheeye aan maslaxad u heyn somali.

Waxa uu ogsoon yahay silaanyo in aysan macquul aheyn in somaliland ay helikarto ictiraaf dowli ah oo siinaya madax banaani,sidaas darteed ayaa waxaad mooda in uu ka duwan yahay, siyaasiyiinta kale ee somaliland oo qabyaalada iyo naceybka shacabka ku beerey. sidaan ognahayna qabiil qaran ma noqdo .

Waxa haboon in lala garab galo oo lagu garab siiyo ,sidii ugu guuleysan laha ahdaaftaas oo aan aheyn wax aan qarsooneyn oo horey dhowr jeer uuka cadeeyey meelo fara badan . Fikirka kale oo uu axmed silaanyo kaga duwana madaxda kale ee reer somaliland ayaa ah in uu soo jeediyey talo ah in lagu mideeyo somaliland & Puntland oo iyaduna aan noqnin mid rumowda madaama ay dadku ay ku adag tahay in ay fahmaan waxa uu arki karo siyaasi weyn oo nociisoo kale.juquraafi ahaana ay saamaxeyso in ay noqdaan hal dowlad oo xoog leh ,dhaqaale & miletery labadaba , tasoo hadey hirgali laheyd ahaan laheyd fikir weyn oo mira dhaliya...

Axmed silaanyo waxa kaloo uu aaminsan yahay in Laascanood ay dadkeeda loo daayo talada ,meesha ay rabaana ay doortaan oo aan dadka la khasbin.

Waxay ila tahay waa in loo hanbalyeeyo goorta lagu dhawaaqo in uu noqdey Madaxweynaha somaliland ,waxaana aamin sanahay wax badan in ay is badalayaan......

Dr : Ali Warsame