Waxaa soo baxaya warar been abuur ah oo ay faafinayaan maamulka Galmudug iyo qaar ka mida saxaafada Puntland oo ujeedooyin siyaasadeed leh. Wararkaas ayaa la xiriira dhalin yaro u dhalatay koonfurta Somaliya oo amaan daro awgeed maamulka Puntland uga soo qabqabtay magaalada Bosaaso. Wararka been abuurka ayaa sheegaya in la soo raafay qoysaskii ka soo barakacay koonfurta Somaliya iyo dad iyaguna ganacsato yaryar ahaa. Nin u hadlay maamulka Galmudug ayaa sheegay inay soo gaareen illaa 200 oo qoys oo laga soo raafay magaalada Boosaaso.

Wararka aan helayno ayaa sheegaya in illaa hadda kaliya la qabqabtay dhalinta bilaa camalka iyo kuwa tahriib doonka ah, si looga hortago in dhalintaas loo adeegsado arimo amniga ka soo horjeeda. Warar la xaqiijiyay ayaa sheegaya in dhalinyaradaan ay ku dhex-dhuumanayaan maleeshiyooyin alshabaab ah oo loo soo diray inay qarbud ka sameeyaan gudaha Puntland si shacabka loo dareensiiyo cabsi iyo amni la’aan ka dibna ay maamulka sidaas Alshabaab kula wareegaan.

Dawlada Puntland ayaa u digtay saxaafada reer Puntland ee faafinaya warar aan jirin iyagoo leh ujeedooyin siyaasadeed. Saxaafada Puntland qaarkeed ayaa waxaa maalgashada oo gadaal ka maamula qaar ka mid ahaan jiray madaxdii hore ee Puntland. Waxaana la aaminsanyahay in shaqsiyaadkaas oo ku sugan magaalada Gaalkacyo iyo Boosaaso ay doonayaan in dowlada Faroole qalqal galiyaan si ay u helaan fursad ay markale wax ku maamulaan.

Mudugonline.com